Lirik Lagu Daerah dari Sumatera Barat



Lagu daerah Sumatera barat biasa disebut lagu Padang atau lagu minang. Lirik lagu daerah ini umumnya menceritakan mengenai perpisahan dan kampung halaman. Hal ini dikarenakan banyaknya orang Sumatera barat yang merantau. Selain itu banyak juga lagu mengenai pernikahan sehingga lagunya ini banyak dinyanyikan dengan nada yang mendayu-dayu.

Ayam Den Lapeh

Luruihlah jalan Payakumbuah
Babelok jalan Kayu Jati
Dima hati indak kan rusuah
Ayam den lapeh, oi oi … ayam den lapeh

Mandaki jalan Pandaisikek
Manurun jalan ka Biaro
Di ma hati indak maupek
Awak takicuah, oi oi … ayam den lapeh

Sikua capang sikua capeh
Saikua tabang sikua lapeh
Tabanglah juo nan karimbo
Ai lah malang juo

Pagaruyuang jo Batusangka
Tampek mandaki dek urang Baso
Duduak tamanuang tiok sabanta
Oi takana juo

Den sangko lamang nasi tuai
Kironyo tatumpah kuah gulai
Awak ka pasa alah usai
Oi lah malang denai

Oi oi … ayam den lapeh
Oi oi … ayam den lapeh

Kampuang Nan Jauh Di Mato

Kampuang nan jauh di mato
Gunuang sansai bakuliliang
Den takana jo kawan, kawan lamo
Sangkek den basuliang suliang

Panduduaknya nan elok nan
Nan suko bagotong royong
Sakik  sanang samo samo diraso
Den takana jo kampuang

Takana jo kampuang
Induak ayah adiak sadonyo
Raso mahimbau himbau den pulang
Den takana jo kampuang

Bareh Solok

Bareh Solok tanak di dandang
Dipagatok ulam pario
Bunyi kulek cando badendang
Dek ditingkah ehem ... si samba lado

Urang Sumpu jalan barampek
Di Singkarak singgah dahulu
Bareh baru makan jo pangek
Indak tampak, ondeh mak, mintuo lalu

Bareh Solok bareh tanamo
Bareh Solok lamak rasonyo
Bareh Solok bareh tanamo
Bareh Solok lamak rasonyo

Kambanglah Bungo

Kambanglah bungo parauiktan
Bungo idaman gadih-gadih pingitan
Dipasuntiang siang malam
Bungo kanangan rumah nan gadang

Kambanglah bungo parauiktan
Simambang riang ditarikan
Di desa dusun Ranah Minang

Kambanglah bungo parauiktan
Simambang riang ditarikan
Di desa dusun Ranah Minang

Bungo kambang sumarak anjuang
Pusako Minang Ranah Pagaruyuang
Dipasuntiang siang malam
Bungo kanangan, rumah nan gadang

Kambanglah bungo parauiktan
Simambang riang ditarikan
Di desa dusun Ranah Minang

Kambanglah bungo parauiktan
Simambang riang ditarikan
Di desa dusun Ranah Minang

Kaparak Tingga

[Versi 1]
Ka parak tingga jalan babelok
Di parak tingga mambukak ladang
Nan pai hati tak elok
Nan tingga darah tak sanang

Ka parak tingga mambukak ladang
Kito karajo sampai lah sanjo
Kok dicubo nan bak urang
Nan buruak juo nan tasuo

Ka parak tingga mancari paku
Di parak tingga banyak batangnyo
Kok dikana maso dahulu
Jatuah badarai aia mato

[Versi 2]
Ka parak tingga jalan babelok
Ka parak tingga jalan babelok
Nan pai hati taibo
Nan tingga hati tak elok
Nan pai hati taibo
Nan tingga hati tak elok

Marilah kito mancari paku
Di parak tingga banyak batangnyo

Kok dikana nan dahulu
Lah badarai aia mato
Kok dikana nan dahulu
Lah badarai aia mato

Malam Bainai

Malam-malam baiko yo mamak
Malam-malam bainai yo sayang
Malam-malam baiko yo mamak
Malam-malam bainai yo sayang
Anak daro yo mamak, jo marapulai – 2x

Malam-malam kaduo yo mamak
Manatiang-natiang piriang yo sayang
Malam-malam kaduo yo mamak
Manatiang-natiang piriang yo sayang
Sambanyo lamak yo mamak, si gulai kambiang – 2x

Baselo jo basimpuah yo mamak
Di bawah-bawah tirai yo sayang
Baselo jo basimpuah yo mamak
Di bawah-bawah tirai yo sayang
Bujang jo gadih yo mamak, banyak maintai – 2x

Cincin-cincin dicabuik yo mamak
Di jari-jari manih yo sayang
Cincin-cincin dicabuik yo mamak
Di jari-jari manih yo sayang
Marapulai galak yo mamak, anak daro manangih – 2x

Malam-malam katigo yo mamak
Malam-malam bajapuik yo sayang
Malam-malam katigo yo mamak
Malam-malam bajapuik yo sayang
Marapulai tibo yo mamak, anak daro takuik – 2x


(Versi Lain)
Malam malam baiko yo mamak
Malam malam bainai yo sayang
Anak daro yo mamak
Jo marapulai (2x)

Malam malam katigo yo mamak
Malam malam bajapuik yo sayang
Marapulai tibo yo mamak
Anak daro takuik (2x)

Cincin cincin dicabuik yo mamak
Di jari jari manih yo sayang
Marapulai galak yo mamak
Anak daro manangih (2x)

Pasumandannyo banyak yo mamak
Manatiang-natiang piriang yo sayang
Sambanyo lamak yo mamak
Patai jo jariang (2x)

Rang Talu

[Versi Oslan Husein]

Urang Talu …, urang Talu …
Den takana …, urang Talu …

Rami lah rami rang pasa Talu
Rami dek anak si urang Kajai
Dimalah hati indak ka rindu
Sadang lah sayang badan bacarai

Urang Talu …, urang Talu …
Oi den takana …, urang Talu …

Cincin di jari nan suaso
Tagah dek pandai malenggokkan
Hati jo jantuang alah binaso
Tagah dek pandai mambaokkan

Urang Talu …, urang Talu …
Den takana …, urang Talu …


[Versi Elly Kasim]

Yo rang Talu …, yo rang Talu …
Oi takana …, yo rang Talu …

Rami lah rami rang pasa Talu
Rami dek anak si urang Kajai
Dimalah hati indak ka rindu
Sadang basayang badan bacarai
Dimalah hati indak ka rindu
Sadang basayang badan bacarai

Yo rang Talu …, yo rang Talu …
Oi takana …, yo rang Talu …

Cincin di jari iyo suaso
Tagah dek pandai malenggokkan
Hati jo jantuang nan lah binaso
Tagah dek pandai mambaokkan
Hati jo jantuang nan lah binaso
Tagah dek pandai mambaokkan

Yo rang Talu …, yo rang Talu …
Oi takana …, yo rang Talu …

Yo rang Talu …, yo rang Talu …
Oi takana …, yo rang Talu …

Satunggak jalan iyo lah luruih
Babelok jalan ka Batang Umpai
Basabab badan mangko ka kuruih
Banyak mukasuik nan indak sampai
Basabab badan mangko ka kuruih
Banyak mukasuik nan indak sampai

Yo rang Talu …, yo rang Talu …
Oi takana …, yo rang Talu …


[Versi Lily Syarief]

Yo rang Talu …, yo rang Talu …
Den takana …, urang Talu …

Rami lah rami rang pasa Talu
Rami dek anak si urang Kajai
Dimalah hati indak ka rindu
Sadang basayang badan bacarai
Dimalah hati indak ka rindu
Sadang basayang badan bacarai

Yo rang Talu …, yo rang Talu …
Den takana …, urang Talu …

Satunggak jalan iyo ka Puruih
Babelok jalan ka Batang Ungkai
Basabab badan mangko ka kuruih
Banyak mukasuik nan indak sampai
Basabab badan mangko ka kuruih
Banyak mukasuik nan indak sampai

Yo rang Talu …, yo rang Talu …
Den takana …, urang Talu …

Cincin di jari nan suaso
Tagah dek pandai malenggokkan
Hati jo jantuang nan lah binaso
Tagah dek pandai mambaokkan
Hati jo jantuang nan lah binaso
Tagah dek pandai mambaokkan

Yo rang Talu …, yo rang Talu …
Den takana …, urang Talu …

DAyuang Palinggam

Ramo lah ramo si kumbanglah janti
Katik nan endah pulanglah bakudo
Patah tumbuah hilang baganti lagu lamo takana juo
Patah tumbuah hilang baganti lagu lamo takana juo
Elok elok lah manyubarang jan sampai titian patah
elok elok di rantau urang jan sampai babuek salah
Dayuang dayuang dayang dayuang
Dayuang sabana dayuang dayuang sabana dayuang
Didayuang anak palinggam palinggam anak palinggan
Didayuang anak palinggam palinggam anak palinggam

Pulaulah Pandan jauahlah di tangah
Di balik pulau si Angsolah Duo
Hancur badan di kanduang tanah budi baiak takana juo
Hancur badan di kanduang tanah budi baiak takana juo
Elok elok lah manyubarang jan sampai titian patah
elok elok di rantau urang jan sampai babuek salah
Dayuang dayuang dayang dayuang
Dayuang sabana dayuang dayuang sabana dayuang
Didayuang anak palinggam palinggam anak palinggan
Didayuang anak palinggam palinggam anak palinggam

Anak Dara

Anak musang di ateh pulai
Anak tampuo di dalam baniah
Kain lah usang tidak bapakai oi
Awak lah tuo tidak babuni

Pak Dukun batunang pulo, batunang jo anak daro
Pak Dukun batunang pulo, batunang jo anak daro
Anak daro …

Batang sicerek tumbuah di pasa
Puluik-puluik di Rimbo Panti
Saketek tantu lai manyasa
Kok tak di muluik di dalam hati

Pak Dukun batunang pulo, batunang jo anak daro
Pak Dukun batunang pulo, batunang jo anak daro
Anak daro …

Baimpun todak di kubangan
Buruang barabah lari ka parahu
Sungguahpun tidak bakatokan
Allah jo Nabi lah nan ka tahu

Pak Dukun batunang pulo, batunang jo anak daro
Pak Dukun batunang pulo, batunang jo anak daro
Anak daro …

Sungai Tanang ikannyo jinak
Manjumbuang kain ka subarang
Awak sanang badan takucak
Baruntuang balain jo nasib urang

Pak Dukun batunang pulo, batunang jo anak daro
Pak Dukun batunang pulo, batunang jo anak daro

Anak daro …
Anak daro …
Anak daro …

Badindin

(Versi Asli)

Balari lari bukannyo kijang
Pandan tajamua di muaro
Kami manari basamo samo
Paubek hati dunsanak sadonyo

Ikolah indang oi Sungai Garinggiang
Kami tarikan basamo samo
Sambuiklah salam oi sambah mairiang
Pado dunsanak alek nan tibo

Bamulo indang ka ditarikan
Salam bajawek (ondeh) ganti baganti
Lagu lah indang kami nyanyikan
Supayo sanak (ondeh) basuko hati

Dindin badindin oi dindin badindin
Dindin badindin oi dindin badindin

Di Batu Basa oi Aua Malintang
Di sinan asa nagari kami
Kami tarikan oi tarinyo indang
Salah jo jangga tolong pelok’i

Kabekkan jawi di tangah padang
Baoklah pulang (ondeh) di hari sanjo
Kami manari jo tari indang
Paubek hati (ondeh) urang basamo

Dindin badindin oi dindin badindin
Dindin badindin oi dindin badindin

Baralah tinggi oi si buruang tabang
Panek malayok ka hinggok juo
Banyak ragamnyo oi budayo datang
Budayo kito kambangkan juo

Dari lah Solok nak ka Salayo
Urang lah Guguak (ondeh) pai ka pakan
Ambiak nan elok jadi pusako
Sado nan buruak (ondeh) kito pelokkan

Dindin badindin oi dindin badindin
Dindin badindin oi dindin badindin
Dindin badindin oi dindin badindin
Dindin badindin oi dindin badindin

(Versi Baru)

Balari lari bukannyo kijang
Pandan tajamua di muaro
Kami manari jo tari indang
Paubek hati urang basamo

Ampun jo maaf oi kami puhunkan
Pado dunsanak alek nan tibo
Sambuiklah salam oi kami ucapkan
Kami ba indang nan mudo-mudo

Bamulo indang ka ditarikan
Salam bajawek (ondeh) ganti baganti
Lagu lah indang kami nyanyikan
Supayo sanang (ondeh) basuko hati

Dindin badindin oi dindin badindin
Dindin badindin oi dindin badindin

Di Pariaman oi baralek gadang
Di bulan Tabuik sabana rami
Kami tarikan oi tarinyo indang
Salah jo jangga maafkan kami

Kabekkan jawi di tangah padang
Baoklah pulang (ondeh) di hari sanjo
Kami manari jo tari indang
Paubek hati (ondeh) urang basamo

Dindin badindin oi dindin badindin
Dindin badindin oi dindin badindin

Baralah tinggi oi si buruang tabang
Panek malayok ka hinggok juo
Banyak ragamnyo oi budayo datang
Budayo kito kambangkan juo

Dari lah Solok nak ka Salayo
Urang lah Guguak (ondeh) pai ka pakan
Ambiak nan elok jadi pusako
Sado nan buruak (ondeh) kito pelokkan

Dindin badindin oi dindin badindin
Dindin badindin oi dindin badindin
Dindin badindin oi dindin badindin
Dindin badindin oi dindin badindin

Sansaro

Usah dikana lah juo
Cinto kito nan lamo
Bia denai ko sansaro
Mandi si aia mato

Sadiah kok dikana kini
Sadiah kasia dikadu
Oh sayang

Usah dikanalah juo
Cinto kito nan lamo

Sadiah kok dikana kini
Sadiah kasia dikadu
Oh sayang

Usah ka dikana juo
Cinto kito nan lamo

Yo lah sansai, yo lah sansai, yoo …
Iyo lah malang …

Tak Tontong

Tak tontong kalamai jaguang tak gunda gunda kacumbuang basi
Daulu balaki ajuang kini balaki tukang padati

Tak tontong kalamai jaguang tak gunda gunda kacumbuang basi
Kok iyo katowai anduang rumah sudah si upiak balaki

Seringgit Dua Kupang

Seringgit Dua kupang Harus sungguh bunga melati
Ditanam orang dalam jembangan
Bunga dipetik layu di tangan

Tari Payuang

Babendibendi ka sungai Tanang aduhai sayang
babendibendi ka sungai Tanang aduhai sayang
Singgahlah mamatiek singgahlah mamatiek bungo lembayuang
singgahlah mamatiek singgalah mamatiek bungo lembayuang

Ati siapo indak 'kan sanang aduhai sayang
Ati siapo indak 'kan sanang aduhai sayang
Malieklah adiak malieklah adiak manari payuang
malieklah adiak malieklah adiak manari payuang

Berbendi-bendi ke sungai Tanang aduhai sayang 2x
Singgahlah memetik singgahlah memetik sekuntum lembayung 2x

Hati siapa tidak 'kan senang aduhai sayang 2x
Melihatlah adik melihatlah adik menari payung 2x

Mak Inang

Kami ini tak pandai menari
sebarang tari kami tarikan
kami ini tak pandai menari
sebarang tari kami tarikan
kami ini tak ahli menyanyi
sebarang nyanyi kamu nyanyikan
kami ini tak ahli menyanyi
sebarang nyanyi kami nyanyikan

Singkarak kotanya tinggi
asam pauh dari seberang
Singkarak kotanya tinggi
asam pauh dari seberang
Awan b'raraklah ditangisi
badan jauh di rantau orang
Awan b'raraklah ditangisi
badan jauh di rantau orang

Asam pauh dari seberang
tumbuhnya dekat tepinya tebat
Asam pauh dari seberang
tumbuhnya dekat tepinya tebat
badan jauh di rantau orang
sakit siapa akan mengubat
badan jauh di rantau orang
sakit siapa akan mengubat

Paku Gelang

Gelang si paku gelang
Gelang si rama rama
Mari pulang marilah pulang marilah pulang
Bersama-sama
Mari pulang marilah pulang marilah pulang
Bersama-sama

Cubo Ranungkan

Elok pangiriak pisau sirauik
patung kek batang lintabuang salodang ambiak kanyimu
Satitiak jadikan lauik
sakapa jadikan gunuang
yo alam jadikan guru
Cubo ranuangkan
'rang mudo, pituah 'rang tuo tuo

Basimpang jalan ka hilia nan mudiak padang si busuak
Disi nan kito mananti koq janji biaso mungkia
Titian biaso lapuak lah pantang dek urang kini
Cubo ranuangkan, 'rang mudo pituah 'rang tuo-tuo

Nan buto pahambuih lasuang nan pakak palapeh badia
Mam lumpuah pahalau ayam nan kuek paangkek baban
Nan cadiak tampek batanyo nan ketek dikasiahi
Cubo ranuangkan, 'rang mudo pituah 'rang tuo-tuo

Denai Sansai

Jiko den kaka si daun paku
Jatuah nan badarai si bungo lado
Alah sansai yo badan oi alah sansai yo badan oi
Jiko den kana maso daulu
Jatuah nan badarai si aia mato
Alah sansai yo badan oi alah sansai yo badan oi

Makan cubadak baulam manggih
Manggih dimakan dalam parahu
Alah sansai yo badan oi alah sansai yo badan oi
Di luar galak di dalam tangih
Indaklah ado urang nan tahu
Alah sansai yo badan oi alah sansai yo badan oi

Jikok Bapisah

Kok hujan hujanlah ari janlah sampai balaruik-laruik
Kok hujan hujanlah ari janlah sampai balaruik-laruik
Kok rusuah-rusuahlah ati bak kicauan murai
Tapi rusuah jan mambao sansai
Tapi rusuah jan mambao sansai

Oh tuan si biran tulang ubek rusuah belaian sayang
Oh tuan si biran tulang ubek rusuah belaian sayang
Bacarai bia bacarai bara ka lamonyo
Jauah di mato di ati tido
Jauah di mato di ati tido

Kato usah disampaikan risau usah dipaturuikan
Kato usah disampaikan risau usah dipaturuikan
Pandanglah awan baarak di langit nan biru
Pesanlah rindu di angin lalu
Pesanlah rindu di angin lalu

Kato Rang Sisuak

Saputangan sagi ampek babungo jo bungo taratai
Saputangan sagi ampek babungo jo bungo taratai
Luko di tangan buliah di ubek luko hati mambaok sansai
Luko di tangan buliah di ubek luko hati mambaok sansai
Kato'rang sisuak, kato'rang sisuak, kato'rang sisuak, kato'rang sisuak

Badarai daun katapang ditimpo si batang padi
Badarai daun katapang ditimpo si batang padi
Bialah sansai badan den surang asa basuo nan di hati
Bialah sansai badan den surang asa basuo nan di hati
Kato'rang sisuak, kato'rang sisuak, kato'rang sisuak, kato'rang sisuak

Banyak akiak batu akiak batu akiak batu'rang kini
Banyak akiak batu akiak batu akiak batu'rang kini
Banyak nan paik pakaro paik indak sapaik makan hati
Banyak nan paik pakaro paik indak sapaik makan hati
Kato'rang sisuak, kato'rang sisuak, kato'rang sisuak, kato'rang sisuak

Kok Takana

Ramilah rami urang di tangah balai
Rami dek anak si urang lintau
Kamilah menyanyi aia mato baurai
Takana jo nasib nan kini di rantau
Jiko takana adiak nan di kampuang
Taragak nan pulang apolah dayo
Jiko takana untuang di badan
Jatuahlah balinang si aia mato

Kok Upiak Lah Gadang

Kok upiak pai ka ladang, bao rotan ka tali timbo
Kok upiak pai ka ladang, bao rotan ka tali timbo
Kok upiak nanti lah gadang, adaik sopan nan ka dijago
Kok upiak nanti lah gadang, adaik sopan nan ka dijago
Upiak rambahlah paku, tarang jalan ka parak
Upiak eloklah laku, sayang 'rang bakeh awak

Cubadak masak di batang, tumbuah luruih dakek parigi
Cubadak masak di batang, tumbuah luruih dakek parigi
Nak rancak diliek urang, budi aluih mamikek ati
Nak rancak diliek urang, budi aluih mamikek ati
Upiak rambahlah paku, tarang jalan ka parak
Upiak eloklah laku, sayang 'rang bakeh awak

Lompong Sagu

Lompong sagu lompong sagu bagulo lawang
Lompong sagu lompong sagu bagulo lawang
Di tangah tangah di tangah tangah karambia mudo
Di tangah tangah di tangah tangah karambia mudo

Sadang katuju sadang katuju dirabuik urang
Sadang katuju sadang katuju dirabuik urang
Awak juo awak juo malapeh hawo
Awak juo awak juo malapeh hawo

Lompong sagu, lompong sagu 'rang Sungai Dareh
Lompong sagu, lompong sagu 'rang Sungai Dareh
Di tangah tangah di tangah tangah balado mudo
Di tangah tangah di tangah tangah balado mudo

Rupo rancak rupo rancak tapi pamaleh
Rupo rancak rupo rancak tapi pamaleh
Indaklah ado indaklah ado urang nan suko
Indaklah ado indaklah ado urang nan suko

Lompong sagu lompong sagu badaun pandan
Lompong sagu lompong sagu badaun pandan
Di tangah tangah di tangah tangah gulo tangguli
Di tangah tangah di tangah tangah gulo tangguli

Banyak pitih banyak pitih urang tak sagan
Banyak pitih banyak pitih urang tak sagan
Budi haluih budi haluih mamikek hati
Budi haluih budi haluih mamikek hati

Mamendam Raso

Bilo 'lah sanjo ari
Mulai tabanam si matoari
Duduaklah tamanuang surang diri
Mamandang awan bararak patang ari
Sadang mangana pautan hati
Mamandang awan bararak patang ari
Sadang mengana pautan hati
Mamandang awan bararak patang ari
Sadang mangana pautan hati

Kok ari mulai patang
Matoari mulai tabanam
Sunyi sepi sakuliliang ambo
Takana kasiah hati jauah di mato
Kini denailah mamandam raso
Takana kasiah hati jauah di mato
Kini denailah mamandam raso

Oi Kampuang

Oi kampuang kampuang nan jauah jauahlah dari mato
Oi kampuang kampuang nan jauah jauahlah dari mato
Babukiek bagunuang Marapi, Singgalang, Kurinci
Baaia mancua badanau Singkarak jo Maninjau
Oi kampuang nan jauah di mato Si upiak takanalah juo

Den takana takana jo kawan kawan nan lamo
Den takana takana jo kawan kawan nan lamo
Sangkek basuliang suliang karajo sampailah sanjo
Tampek ayah bundo dusanak jo adiak kasadonyo
Oi kampuang nan jauah di mato Si upiak takanalah juo

'Rang kampuangnyo 'rang kampuangnyo banyak nan elok-elok
'Rang kampuangnyo 'rang kampuangnyo banyak nan elok-elok
Tuo mudo samo samo suko bagontong royong
Sakik jo sanang, sakik sanang samo dirasokan
Oi kampuang nan jauah di mato Si upiak takanalah juo

Pincuruan Tujuh

Cari yo cari yo
Cari yo cari yo
Lah panek banak yo mamak kumbanglah dicari
Namun tak kunjuang yo mamak kumbanglah basuo

Cari yo cari yo
Cari yo cari yo
Tabang bairiang buruang nuri buruanglah nuri
Hinggok batenggek di dahan pucuak ambacang
Tolonglah juo cari kumbanglah dicari
Lautan sajo yo mamak nan bakuliliang
Cari yo cari yo
Cari yo cari yo
Cari cari

Cari yo cari yo
Cari yo cari yo
Cincin banamo yo mamak si ganto sari
Sasuai sajo yo mamak nan di kalingkiang
Hilanglah juo cari kumbanglah dicari
Lautan sajo yo mamak nan bakuliliang
Cari yo cari yo
Cari yo cari yo
Cari cari

Sempaya

Sempaya buah sempaya sempaya dari Palembang
Sempaya buah sempaya sempaya dari Palembang
Tapi apolah kadayo buruang di tanganlah lapeh tabang
Tapi apolah kadayo buruang di tanganlah lapeh tabang

Sempaya buah sempaya sempaya dalam balango
Sempaya buah sempaya sempaya dalam balango
Tapi apolah kadayo awak namuah inyo ndak nio
Tapi apolah kadayo awak namuah inyo ndak nio

Sempaya buah sempaya sempaya di Taluak Batuang
Sempaya buah sempaya sempaya di Taluak Batuang
Tapi apolah kadayo salamo hiduik indak baruntuang
Tapi apolah kadayo salamo hiduik indak baruntuang

Sempaya buah sempaya sempaya di Tanjuang Balai
Sempaya buah sempaya sempaya di Tanjuang Balai
Tapi apolah kadayo sabalun mati kita bacarai

Tari Piring

Mari teman menarikan tari piring tari Kaparinyo
Menari tari piring teman bergembiralah segera gembira serentak
Irama Kaparinyo rayuan penggemar disambut suara
nyanyi suara nyaring bergerak
Gerakan tari Kaparinyo gemulai periang rasa
Sayang rasa sayang bersenang

Titian Nan Lapuak

Nak urang Padang mandi di muaro
rami jo galak mancuci kain
Marilah kito banyanyi basamo
hilangkan rusuah di dalam ati

Ka pasa usang manjua manggih
manggih batimbun dalam parigi
Adiak dipandang batambo cayo
raso nan indak pado nan lain

Bariak aia tapi muaro
riak dek urang mandi basamo
Banyaklah urang bamuluik manih
sabalun dapek kandak di ati

Kak Koto Tuo jalan mandaki
rami didaki dek urang Baso
Kalaulah adiak indak picayo
hilanglah badan hilanglah nyawo

Gunuang Marapi gunuang Singgalang
urang Suliki ka Padang Panjang
Kalau baitu wahai diak sayang
alamaik badan kamabuak surang

Baliku-liku jalan ka Kurinci
baranti kito dakek parigi
Kalau baitu karehnyo ati
marilah kito maikek janji

Tudung Periuk

Tudung periuk tudung periuk pandailah menari
Permainan anak permainan anak Raja Malaka
Kain yang buruk kain yang buruk berikan kami
Untuk menyapu untuk menyapu si air mata
Kain yang buruk kain yang buruk berikan kami
Untuk menyapu untuk menyapu si air mata

Tudung periuk tudung periuk pandailah berdendang
Pandai berdendang pandai berdendang lagu seberang
Barang yang buruk barang yang buruk tak 'kan dipandang
Dijual tidak dijual tidak dibeli orang
Barang yang buruk barang yang buruk tak 'kan dipandang
Dijual tidak dijual tidak dibeli orang

Dendang Harau

Dendang harau di payokumbuah
Gorah gorah golak badorai
Sananglah kanduang usahlah rusuah
Banyak karajo tabangkalai

Malam hari solayang kusuak
Pasang gorak niaik di hati
Sanak kanduang usahlah bamunuang
songsong zaman koman manjadi

Kicau buruang di pagi hari
Songsong dingin embung baserai
Sanak kanduang jan baibo hati
Bantiang tulang hilangkan sansai
Sekian lagu daerah Sumatera barat. Semoga para perantau dapat menyalurkan rindunya saat membaca lirik lagu daerah diatas. Dimohon kemaklumannya untuk segala kekurangan lagu minang yang saya paparkan. Bila ada masukan atau koreksi akan saya terima dengan hati senang.